რა როლი აქვს ტვინს გადაწყვეტილების მიღებაში?

იხილეთ სხვა სტატიები ტვინის შესახებ

ტვინი აკონტროლებს გადაწყვეტილებებსა და ემოციებს

როდესაც ვინმე გთხოვთ, რომ ინტუიციას მიჰყვეთ, არ დაუჯეროთ! ინტუიციას ვერც იგრძნობდით, რომ არა ტვინი.  „მთელი გულით მიყვარხარ“ – ეს ფრაზაც უაზროა ისევე, როგორც „მთელი მარჯვენა ქვედა ორთავა კუნთით მიყვარხარ“. ინტუიცია, რომელსაც, ძირითადად, მუცლის ღრუში გრძნობთ, ნამდვილად ვერ მიგაღებინებთ სწორ ცხოვრებისეულ გადაწყვეტილებებს, ხოლო ადამიანები კუნთით არ გვიყვარს. გადაწყვეტილებებიც და ემოციებიც იქმნება თავის ტვინში.

როგორ იღებს ტვინი გადაწყვეტილებებს?

ზოგჯერ გადაწყვეტილების მიღება რთულია, რადგანაც მოცემული საკითხის დადებით და უარყოფით მხარეებს კარგად ვაანალიზებთ. ამ შემთხვევაში უფრო ჭკვიანურია, ინტუიციას ვენდოთ. თუმცა, ინტუიცია ნამდვილად არ არის შეგრძნება მუცლის ღრუში; ინტუიცია წარმოადგენს ურთიერთკავშირს უამრავ ემოციას შორის, რომლებიც განცდილი გაქვთ წლების განმავლობაში, ეს პროცესი კი მილიონობით წლების ევოლუციის შედეგია. ეს იმას ნიშნავს, რომ ინტუიცია არა მუცლის ღრუში, არამედ ტვინშია.

თქვენი გამოცდილების ნაწილი გონებაში მოგონებების სახით ინახება, მაგალითად პირველი კოცნა, ან ახლობლის გარდაცვალება. თუმცა, რა მოსდის სამსახურში ყოველ დღე სიარულის,  საუზმის დროს ოჯახის წევრებთან საუბრის, სამსახურში გადასხმული ყავის, ან თუნდაც უცხო პირთან გამოლაპარაკების მოგონებებს? ეს მომენტები ცალ-ცალკე მოგონებებად არ გვახსოვს, რადგანაც ისინი ზოგადი მოგონებების ბაზაში ინახება და გვამახსოვრდება, როგორც „გამოცდილება“. ინტუიცია არა ვარაუდს, არამედ ამ ზოგად გამოცდილებებს ეყრდნობა.

ხშირად ვფიქრობთ, რომ სტრესს შეუძლია მუცლის ტკივილი და სხვა ფიზიოლოგიური მოვლენები გამოიწვიოს. სტრესი კი თავის ტვინით კონტროლდება. ტვინიდან გაცემულ სტრესის სიგნალებსა და ჰორმონებს დიდი ზეგავლენა აქვთ მთლიან ორგანიზმზე, მათ შორის, მუცლის ღრუზეც. ასე რომ, არც სტრესი იქმნება მუცლის ღრუში და არც სირცხვილის შეგრძნება ლოყების არეში.