მენჯის ძვლის ტკივილი ორსულიბის პერიოდში

ორსულობისას თქვენი ორგანიზმი სასწაულებრივ ცვლილებებს განიცდის ჰორმონების მეშვეობით, რომლებიც გეხმარებათ, ქვეყანას მოუვლინოთ თქვენი პატარა. აქედან ერთ-ერთი ჰორმონია რელაქსინი, რომელიც პასუხისმგებელია სახსრების, იოგებისა და სხვა მაკავშირებელი ქსოვილების შერბილებაზე, რათა მენჯის ძვალი უფრო ელასტიკური გახდეს.  ამგვარად, ნაყოფს საშუალება ეძლევა, ადვილად გაიაროს სამშობიარო არხი. თუმცა, ამის პარალელურად ადგილი აქვს მენჯის ძვლის ტკივილებს (PGP).

იხილეთ სხვა სტატიები ბავშვებსა და მშობლებზე აქ

მენჯის ძვლის ტკივილის მიერ გამოწვეული პრობლემები

ზოგიერთი ქალისათვის ელასტიკურობის გაზრდა იწვევს სახსრების პრობლემებს, კერძოდ ტკივილებს მენჯის, ბარძაყის, მუხლებისა და წელის არეში. სახსრების ტკივილი ორსულობის ადრეულ პერიოდშივე იწყება, რადგანაც რელაქსინი ჩასახვის შემდგომ გამოიყოფა. ართრიტის შემთხვევაში კი ორსულ ქალებში ხშირად მდგომარეობა უმჯობესდება.

სიმპტომურ PGP-ს ადგილი აქვს, როდესაც ტკივილის გამო რთულდება სიარული, მუშაობა და სხვა დღიური აქტივობების შესრულება.  ბიოტექნოლოგიური ინფორმაციის ეროვნული ცენტრის მიერ შემუშავებული „მენჯის ძვლის ტკივილის მკურნალობის ევროპული გზამკვლევის“ მიხედვით, ეს პრობლემა ორსულთა 20%-ს აწუხებს, ხოლო გვიანი ორსულობისას სამსახურიდან დათხოვნისათვის ძირითადი საბაბია.

რისი გაკეთება შეგიძლიათ მენჯის ძვლის ტკივილის თავიდან ასაცილებლად

სახსრებზე გადაჭარბებული დაძაბულობის თავიდან ასაცილებლად რეკომენდებულია მუცლის, ზურგისა და ფეხის ვარჯიშები. ორსულობის ადრეულ სტადიაზე კი განსაკუთრებით მნიშვნელოვანია განივი მუცლის კუნთის ვარჯიში.

ვარჯიშისთვის სულაც არ გჭირდებათ სავარჯიშო დარბაზში წასვლა, ამ ვარჯიშების კეთება სახლშიც შეგიძლიათ:

• თუ მენჯის ძვალი საშუალებას მოგცემთ, დადექით ხელებსა და მუხლებზე, შეზნიქეთ ჭიპი წელის გამოძრავების გარეშე, გააჩერეთ რამდენიმე წამით და შემდეგ გაუშვით. უმჯობესია, ეს მოძრაობა გააკეთოთ ათი დღის განმავლობაში დღეში სამჯერ. თავიდან თუ ვერ შეძლებთ, არ იღელვოთ, დროთა განმავლობაში აუცილებლად გამოგივათ.
• ამ ვარჯიშების გაკეთება სკამზე ჯდომისასაცაა შესაძლებელი: ხელი დაიდეთ მუცლის ქვედა ნაწილზე, ხოლო მეორე ხელი წელზე, შეიზნიქეთ ჭიპი რამდენიმე წამით და შემდეგ გაუშვით. ამ დროს არ გაამოძრაოთ წელი. ეს მოძრაობაც დღეში სამჯერ აკეთეთ ათი დღის განმავლობაში.

მენჯის დიაფრაგმის ვარჯიში

ორსულობისას მნიშვნელოვანია მენჯის დიაფრაგმის ვარჯიშიც, რათა ეს კუნთი შიგნიდან სტაბილური იყოს. იხილეთ ვარჯიშის ინსტრუქცია:

• დაწექით გვერდზე ბალიშით ფეხებშუა. შეკუმშეთ კუნთები სწორი ნაწლავის, ვაგინისა და ურეთრას გარშემო მანამ, სანამ არ იგრძნობთ სხეულში დაძაბულობის მოხსნას. შეკუმშვის ხანგრძლივობა უნდა იყოს 6-8 წამი, ხოლო დროთა განმავლობაში ამ ხანგრძლივობის მომატებაცაა შესაძლებელი.

ამ ვარჯიშების გაკეთება შეგიძლიათ ჯდომისას, დგომისას, ავტობუსისთვის ლოდინისას, ან მაღაზიის რიგში. ამ ვარჯიშების კეთება მშობიარობის შემდეგაცაა რეკომენდებული.